ISO 39001
ISO 39001:2012 yol-nəqliyyat təhlükəsizliyi (YNT) idarəetmə sistemi üçün tələbləri müəyyən edən standartdır. Bu tələblər yol təhlükəsizliyi idarəetmə sisteminin qurulması, həyata keçirilməsi, saxlanması və təkmilləşdirilməsi meyarlarını əhatə edir. Standart yollarda və ya yaxınlığında iş görən təşkilatlara yol qəzalarına bağlı ölüm və ağır xəsarət hallarının azaldılmasında kömək məqsədi daşıyır.
Yol təhlükəsizliyi yalnız nə qədər yaşadığımızla deyil, necə yaşadığımızla da bağlıdır. Hazırkı dövrdə harada yaşadığınızdan asılı olmayaraq, yol təhlükəsizliyi - və ya onun çatışmazlığı - həyat keyfiyyətinizi birbaşa təsir edir. Hər 24 saniyədə bir nəfər yol qəzasında həyatını itirir. Bir gündə 3000-dən çox insan həlak olur ki, bunların 500-ü uşaqdır.
https://www.weforum.org/agenda/2022/04/how-to-tackle-the-road-safety-crisis/
Bu standart yol-nəqliyyat təhlükəsizliyi üçün uyğun siyasətin, məqsədlərin və fəaliyyət planlarının hazırlanması və tətbiqini əhatə edir. ISO 39001 təşkilatın riayət etdiyi qanuni və digər tələbləri, həmçinin təşkilatın nəzarət edə biləcəyi və ya təsir göstərə biləcəyi yol-nəqliyyat təhlükəsizliyi elementlərini nəzərə alır.
ISO 39001 istənilən növ, ölçü və məhsul/xidmət təqdim edən təşkilatlar üçün tətbiq edilə bilər.
Standart yol istifadəçilərinin qanunlara əməl etmək öhdəliklərini ləğv etmir, əksinə təşkilatın yol istifadəçilərini qanunlara riayət etməyə həvəsləndirmək səylərini dəstəkləyir.
ISO 39001 standartına uyğun idarəetmə sisteminin tətbiqinin təşkilatınıza daxili və xarici təsirləri ola bilər. Nümunələr:
Daxili təsirlər:
- Təhlükəsiz iş mühiti
- Zərər xərclərinin azalması
- Qanun və qaydalara uyğunluq
- İşçilərin işə cəlb olunmasının artması
- Daha az hadisə və fasilələr
- Çatdırılma dəqiqliyinin artması
Xarici təsirlər:
Məmnun müştərilər
Nüfuz
Təchizatçı qiymətləndirməsinin yaxşılaşması
ISO 39001-in tətbiqi dayanıqlı inkişaf məqsədlərinə nail olmağa kömək edə bilər:
